تعتبر لعبة crash team racing او زي ما بيطلق عليها CTR اللعبة اللي قدرت تجميع بين المتعة والضحك والتحدي واللي ليها عدد كبير جداً من الناس اللي بتحبها على مستوى العالم وعلشان كدة انا جبتهالك النهاردة علشان تجربوها معايا وبتشتغل من غير محاكي.
في البداية انا عايز اعرفكم ان اللعبة دي هي كانت اقوى العاب سباق سيارات نزلت في اواخر التسعينات وكانت وقتها طفرة في عالم الالعاب بعيدا عن الجرافيك البسيط بس اللعبة كانت ممتعة جداً بشكل غير طبيعي ده غير التحديات والافكار اللي سبقت وقتها بسنين.
والمميز بقا في اللعبة دي انك هتلاقي فيها شخصيات مرحة جداً وكتيرة تقدر تلعب بيها داخل السباق زي كراش وكوكو والدكتور نيو وغيرهم ده غير التنوع اجميل اللي في اللعبة يعني انت تقدر تلعب بشكل فردي او تدخل سباق انت وصحابك وتتحدوا بعض والممتع اكتر في اللعبة دي هي الاسلحة اللي انت بتقدر تستخدمها زي الصواريخ والقنابل علشان تضرب بيهم صحابك في اللعبة مش بس كدة ده فيه كمان مميزات تانية هتعرفها لما تحمل اللعبة.
وعلشان نسهل عليكم طريقة التحميل والتشغيل للعبة انا عملت اللعبة ملف تنفيذي يعني انت مش محتاج محاكي علشان تشغلها انت بس حملها وشغلها على طول وهي هتفتح معاك. وكمان علشان نخلي الموضوع يكون اسهل انا عملتكم رابط مباشر لتحميل اللعبة من موقعنا بكل سهولة. واسبكم بقا تجربو اللعبة.
ليست هناك تعليقات:
إرسال تعليق